NOBENA SA MAHAL NA VIRGEN SA FÀTIMA

Sa ngalan sa Amahan Ug sa anak Ug sa Espiritu santo Amen
Awit:
O Birhen Maria ig ampo mo kami sa mga panulay Tabangan mo kami
Refrain: Ave Ave Maria ×2
Bitoon sa Dagat Dan-agan mo kami sa oras sa Ikamatay panlabanan mo kami
Refrain
Pangadye: O Mahal na Virgen sa Fàtima Senyora sa gugma kami nangayo kanimo nga ang among pagtuo sa Dios mahal Dili mowala sa among katuig Ug Kami mahinulsolon sa Dios mahal nga among gisakit Sa among sala nga pait ug hugaw,Senyora ug Ulay sa Fàtima I-ampo mo kami makasasala Ug sa imong mensahe sa tulo ka gagmayng batang pastores sa nasud sa Portugal Kami nangamuyo kanimo nga Dili mo sila buhaton kay tungod kami mahinulsolon O Senyora sa langit Daygon sa mga Angeles nga usa ka Reina sa Langit Amen
(Isunod Ang Santos nga Rosaryo)
Pahinulsul: Pasayloa ako sa akong mga sala, O Ginoo, pasayloa ako sa akong mga sala; ang mga sala sa akong kabatan-onan, ang mga sala sa akong pagkahamtong, ang mga sala sa akong kalag, ang mga sala sa akong lawas; ang mga sala nga walay pulos, ang mga seryoso nga boluntaryong sala, ang mga sala nga ako nahibaloan, ang mga sala nga akong gitago ug hangtod karon nagapanago sa akong panumduman. Tinuod nga nagapasubo ako sa matag sala, mortal ug venial, sa tanang mga sala gikan sa akong pagkabata hangtod sa karon nga takna. Nahibalo ako nga ang akong mga sala nakapasakit sa Imong malumo nga Kasingkasing, O akong Manluluwas, pagahupayon ako gikan sa mga pagkahugaw pinaagi sa labing mapait nga pag-antos sa akong Manubos. O akong Jesus, kalimti ug pasayloa ang akong mga nahimong sala. Amen.
Pag-ampo: Mahal na ulay sa Fàtima nga nagpakita sa tulo ka gagmayng batang pastores sa nasod sa Portugal ikaw nga nagpahibalo kanamo Aron kami mahinulsolon tabangi kami sa among mga Kasakit ug kangitngit sa among nasod ug Dungga among mga pag-ampo pinaagi sa imong rosaryo Amen
Amahan Namo × 3
Maghimaya Ka Maria × 3
Gloria Patri × 3
Daygon ug Saulogon ta Ang ngalan ni Jésus (Karon isunod Ang Wali ug mga Gozos)
GOZOS:
Oh! Ulay sa Fatima, Ikaw ang among dalangpanan Sa tanan namong mga kalisdanan. OH INAHAN NGA MANANABANG SA MGA KRISTIANOS NGA TANAN! Ang tawo tungud sa iyang mga sala Giangkon niya ang iyang kapildihan Ug aron kaniya ang tanan mapala Ang iyang daghanan nga kasal-anan Kinahanglan iyang pagabasulan, Aron siya sa Dios ug sa Birhen kaloy-an.
OH INAHAN NGA MANANABANG SA MGA KRISTIANOS NGA TANAN!
Ang tulo ka mga gagmayng bata Maoy una niyang gipakitaan Sa iyang dakung kalooy nga gibatunan Alang sa tanang mga katawhan, Sa pagluwas sa kalisud natong tanan Sa daghang mga kasamok sa kalibutan
OH INAHAN NGA MANANABANG SA MGA KRISTIANOS NGA TANAN!
Ang duruha ka mga gagmayng bata, Maoy imong gikuha pag-una sa kalibutan Aron ang ilang kasingkasing dili hatakdan Sa mga kasamok dinhi sa kalibutan Ug imong gibuhi si Lucia nga imong alagad Aron sa pagsangyaw sa imong debosyon sa katawhan.
OH INAHAN NGA MANANABANG SA MGA KRISTIANOS NGA TANAN!
Si Sor Lucia imong gipahayagan Sa imong kalooy sa mga katawhan Ug aron ang kalibutan makab-ot ang kahusayan Ang mga salang dagkuan ilang hinulsulan Sa pagpangadye sa Rosario nga gitudloan, Aron mahingpit pagkab-ot ang kahusayan.
OH INAHAN NGA MANANABANG SA MGA KRISTIANOS NGA TANAN!
Anak ko! Tan-awa ang akong kasingkasing Nga gilibutan sa mga tawong makaliton Ug pahayagi nga ako motabang Kaniya sa takna sa kamatayon, Nga mokalawat sa lima ka Sabado sunodsunod Aron makahupay sa putli ko nga kasingkasing.
OH INAHAN NGA MANANABANG SA MGA KRISTIANOS NGA TANAN!
Susama usab sa mga saad ni Margarita Kanang mahigugmaon sa kasingkasing ni Jesus Nga mokalawat sa siyam ka mga unang Viernes Sa siyam usab ka mga bulan nga magsunodsunod Ug ang ulay sa Fatima moay gipangayo Ang pagkalawat sa lima ka Sabado nga sunodsunod.
OH INAHAN NGA MANANABANG SA MGA KRISTIANOS NGA TANAN!
Ang gipangayo ug gikinahanglan Ang usa ra ka maayong pagkompisal, Ug uban sa pagpangadye sa Rosario Nga kinuyogan sa pagpalandong sa Misteryo Aron madawat sa katawhan ang gisaad, Ang hingpit nga kalinaw ug kahusayan
OH INAHAN NGA MANANABANG SA MGA KRISTIANOS NGA TANAN!
Oh! Inahan sa Fatima, Ilingi mo kanamo Ang imong matahum mata nga maloloy-on Ug tabangi kami sa Dios pag-ampo Aron ang tanang sala pasayloon, Ug mohunong na unta ang kasamok Aron kaalisdan na sa kahusayan. Oh! Ulay sa Fatima, ikaw dalangpanan Sa tanan namo nga kalisdanan
OH INAHAN NGA MANANABANG SA MGA KRISTIANOS NGA TANAN!

Pangamuyo: Oh, putli nga kasingkasing ni Maria, Inahan sa Diosnong Bata sa Belen, ug Inahan man usab namo, pasiga-a sa among kasingkasing ang kalayo sa “inocencia” nga kinaiya sa kabataan. Mituo kami sa imong dakung BUgma sa kabataan. Sa pagpahibalo nimo sa imong tugon didto sa Fatima gipili nimo nga adto ikaw magpakita niadtong “inocente” nga mga bata nga maoy imong gihimo nga magsasangyaw sa maong mensahe (tugon]. Wala kami mahibalo ug laing maayong paagi aron pagpakita sa among pagmahal kanila, minahal nga inahan, eawas sa pagtanyag sa among mga pag-ampo g pangaliya lang sa tanang kabataan sa tanang dapit sa kakibutan. Busa oh Mahal nga Inahan nangaliyopo kami nga imong bantayan ang tanang kabataan sa tibuok kalibutan, nga imong bantayan ug panalipdan ang ilang puloyana, amingi ang mga tulunghaan din ilang makab-ot ang kalam ug imo silang panalipdan aron dili sila mahulog sa pagtulo-an nga walay Dios. Agaka sila sa ilang kalingawan ug sa tanan nilang buluhaton aron sila magtubo sa panuigon sa kaalam sa paghigugma sa Dios. Itugot usab Santos nga Inahan, nga ang pangaliyopo sa among mga kabataan makatapos pagdali sa tanang dugong gubatug kadaut ug ihatag sa kalibutan ang bag-ong panahon sa matarong sa magkanunayon nga kalinaw. Nangamuyo kami nga ang kalibutan mobalik na kang Jesus, imong Anak, pinaagi sa paghalad sa imong putli nga kasingkasing

LITANIYA SA LORETO
Ginoo, Kaloy-i Kami
Kristo Kaloy-i Kami
Ginoo, Kaloy-i Kami
Kristo, Dungga Kami
Kristo, Pamatia Kami
Dios, Amahan sa Langit, Kaloy-i Kami
Dios Anak Manunubos sa Kalibutan, Kaloy-i Kami
Dios Espiritu Santo, Kaloy-i Kami
Santisima Trinidad, Dios nga usa, Kaloy-i Kami

IG-AMPO MO KAMI
Santa Maria,
Santa nga Inahan sa Dios,
Santa nga Birhen sa mga Birhen,
Inahan Ni Kristo,
Inahan sa Grasya sa Dios,
Inahan nga putli,
Inahan nga wala hilabti,
Inahan nga sa sala wala mabuling,
Inahan Nga Buotan,
Inahan Nga Takus Dayegon,
Inahan sa Kanunayng Panabang,
Inahan sa Magbubuhat,
Inahan sa Manluluwas(Manunubos),
Birhen nga sa Kaalam walay Ingon,
Birhen nga Gitahud Namo,
Birhen kansang Kadayganan Giawit Namo,
Birhen nga Gamhanan,
Bitrhen nga Maloloy-on,
Birhen nga Matoohon,
Salamin sa Katarungan,
Lingkoranan sa Kinaadman,
Hinungdan sa Among Kalipay,
Kalis sa Espiritohanon,
Kalis sa Kadungganan,
Mabulokong Kalis sa Paghalad,
Rosa nga Dili Matukib,
Lantawan ni David,
Lantawan nga Garing,
Balay nga Bulawan,
Arka sa Kasabotan,
Ganghaan sa Langit,
Bitoon sa Kabuntagon,
Kaayohan sa mga Masakiton,
Dalangpanan sa mga Makasasala,
Maglilipay sa Mga nanagsubo,
Hinabang sa mga Kristiyanos,
Rayna sa mga Angheles,
Rayna sa mga Patriyarka,
Rayna sa mga Propeta,
Rayna sa mga Apostoles,
Rayna sa mga Martires,
Rayna sa mga Kompesores,
Rayna sa Mga Birhen,
Rayna sa mga Santos,
Rayna nga Gipanamkon nga walay sala’ng Panulondon,
Rayna sa Santos Uyamot nga Rosaryo,
Rayna sa Pamilya,
Rayna sa Kalinaw,

V: Kordero sa Dios Nga nagawagtang sa Sala sa kalibutan
R: Pasayloa kami, Ginoo
V: Kordero sa Dios Nga nagawagtang sa Sala sa kalibutan
R: Pamatia kami, Ginoo
V: Kordero sa Dios Nga nagawagtang sa Sala sa kalibutan
R: kaloy-i Kami, Ginoo
P: Ig-ampo mo kami Santa nga Inahan sa Dios
R: Aron mahimo kaming takos sa mga saad ni Jesukristo. Amen.
Awit:
Adlaw Adlaw kang Maria Ang Pagday’g Kantahon ta uban sa Arkanghel Gabriel Ave Maghimaya Ka
Inahan sa manunubos puno ka sa grasya kami Dinhi O Luwasa kami sa kadautan sa Sala

Sa ngalan sa amahan ug sa anak ug sa Espiritu santo Amen