PAG-AMPO

Mahimayaon uyamot nga mga Angeles sa langit, dawata diha sa inyong koro ang pinurong-purongan nga Esposa ni Jesucristo nga si Santa Rita de Casia; ug sama siya sa usa ka Angel tungud sa iyang katingalahan nga kaputli, nga nagapuyo siya sa usa ka kanunay nga pag-antus ug nga nakabuhi kaniya sa dugay nga mga adlaw ang paglawat lamang sa kalan-om sa mga Angeles, busa, ihalad mga Santos nga Angeles ang iyang mga pahanungdan sa atubangan sa trono sa Diosnon nga kalooy, aron tungud kanila ug sa iyang mga panabang makagpuyo kami unta ug mabuhi sa adlaw-adlaw sa paghilak sa usa ka matuod nga paghinulsul sa among mga sala ug madangat namo ang among gipangayo niining Novena kon uyon man sa kabubut-on sa Dios ug makaayo sa among kalag. Amen.

Dinhi mangamuyo ang tagsatagsa niadtong gracia, o kaayo nga iyang giyinguha pagkakaplag niining Novena tungud sa panabang ni Sta. Rita.

Pangadyeon ang tolo ka Amahan namo, tolo ka Maghimaya ka Maria ug totolo ka Gloria Patri nga ipahinungod sa pagdayeg ug pagsaulog ta sa Santa.

PAG-AMPO

Mga santos Arcangeles, nga maoy tinugyanan sa pagpahibalo sa mga katawhan sa mahatungud sa mga buluhaton nga labing hataas sa Diosnon pagbuot, dawata ninyo sa inyong coro ang Alampoon sa mga butang nga labing malisod, nga mao si Santa Rita, kay siya mao man ang usa kamatahum nga Arkangel nga nagapahayag sa kalibutan sa usa ka butang nga labing dakung katingad-an nga mao ang pagpasaylo ug paghigugma sa iyang mga kaaway, tungud sa pagsunod niya sa iyang Diosnon nga Esposo nga kutub sa kahitas-an sa kruz nagapasaylo sa iyang mga kaaway nga nagbiay-biay ug nanagsakit kaniya; busa ihalad ninyo mga Santos Arkangeles, kang Jesucristo ang kasingkasing niining mahiligugmaon niyang Esposa, aron tungud sa iyang mga pahanungdan makabaton unta kami sa virtud sa usa ka matuod nga paghigugma sa among mga kaaway; ug makadangat sa kaayohan nga gipangamuyo namo niining Novena sa labing dakung himaya sa Dios ug kaayohan sa among kalag. Amen.

Dinhi mangamuyo ang tagsatagsa niadtong gracia, o kaayo nga iyang giyinguha pagkakaplag niining Novena tungud sa panabang ni Sta. Rita.

Pangadyeon ang tolo ka Amahan namo, tolo ka Maghimaya ka Maria ug totolo ka Gloria Patri nga ipahinungod sa pagdayeg ug pagsaulog ta sa Santa.

PAG-AMPO

Halangdon uyamot nga mga “Principados” nga kaninyo nagakasiga ang ulusahon nga virtud sa inyong panaghi-usa sa Dios, dawata diha sa inyong coro ang pinurongpurongan nga Esposa ni Jesus nga si Santa Rita, nga sama siya sa usa sa maanyag nga “Principado,” kay gihuptan niya ang mahal nga virtud sa paghi-usa niya sa Dios sa iyang tibuok nga kasingkasing ug kalag, busa, ihalad ninyo sa Ginoo kadtong mainit niyang tinguha sa pagkamatay niya dinhi sa kalibutan aron lamang siya mahiipon sa iyang mahigugmaon nga Dios sa pagpuyo sa wala nay katapusan; ug tungud niining mahal niyang mga pahanungdan ug mga panabang madangat namo unta ang gracia nga ikaghi-usa namo sa usa ka tim-os nga paghigugma sa Dios ug sa dili paghimulag kaniya sa gihapon, ug ingon man usa bang kaayohan nga among gipaninguha niining Novena, kon angay man sa kabubut-on sa Dios, ug sa kapuslanan sa among kalag. Amen.

Dinhi mangamuyo ang tagsatagsa niadtong gracia, o kaayo nga iyang giyinguha pagkakaplag niining Novena tungud sa panabang ni Sta. Rita.

Pangadyeon ang tolo ka Amahan namo, tolo ka Maghimaya ka Maria ug totolo ka Gloria Patri nga ipahinungod sa pagdayeg ug pagsaulog ta sa Santa.

PAG-AMPO

Oh! halangdon uyamut nga mga “Potestades” nga gihatagan sa Dios sa usa ka ulusahon nga gahum nga gikahadlokan sa mga yawa sa infierno, dawata diha sa iyang koro ang pinalangga ug pinurongpurongan nga Esposa ni Jesucristo nga si Santa Rita, nga tungud sa iyang katingalahan nga gahum nga gipakita niya niadtong daghang mga alaut nga tawo nga hingsudlan sa mga panulay ang ilang lawas, nga dihadiha sa pagtawag sa iyang mahal nga ngalan, gilayon sa dakung kalisang nangalagyo ang maong mga panulay, busa, ihalad ninyo sa atubangan sa Diosnon nga kalooy, ang iyang mga pahanungdan, aron tungud kanila makadangat kami sa santos nga gracia nga ikasukol namo sa among mga kaaway nga infiernohanon, aron dili kami dag-on sa ilang mabaskog nga pagpanulay, ug ingon man usa bang kaayohan, nga among gipaninguha niining Novena kon uyon man sa santos nga kabubut-on sa Dios, ug sa kaayohan sa among kalag. Amen.

Dinhi mangamuyo ang tagsatagsa niadtong gracia, o kaayo nga iyang giyinguha pagkakaplag niining Novena tungud sa panabang ni Sta. Rita.

Pangadyeon ang tolo ka Amahan namo, tolo ka Maghimaya ka Maria ug totolo ka Gloria Patri nga ipahinungod sa pagdayeg ug pagsaulog ta sa Santa.

PAG-AMPO

Oh! kahibulungan uyamut nga mga “Virtudes,” nga kaninyo nagakasiga ang ulusahon nga hatag sa paghimo sa mga katingalahan ug dakung “milagro” aron sa pagpahayag sa Diosnon nga gahum, dawata sa inyong koro ang pinurongpurongan nga Esposa ni Jesus nga si Santa Rita, nga gitagaan sa Dios sa makusog nga virtud sa pagbuhat sa dakung katingalahan, kay nabuhi siya sa sulud sa dugay nga mga adlaw sa walay laing kalan-on, kon dili ang sa mga Angeles, nga mao ang iyang masubsub ug mainiton nga pagkalawat; busa ihalad ninyo sa atubangan sa lingkuranan nga Diosnon ang iyang mga pahamuslan, aron tungud sa iyang mga panabang hipalgan namo ang gracia sa pagpuyo sa usa ka kinabuhi nga matarong ug ang bililhon ug katingalahan nga gracia sa pagpadayon sa mga buhat nga maayo hangtud sa among ikamatay, ug ang gituyo namo niining Novena, kon angay man sa labing daku nga himaya sa Dios ug sa kaayohan sa among kalag. Amen.

Dinhi mangamuyo ang tagsatagsa niadtong gracia, o kaayo nga iyang giyinguha pagkakaplag niining Novena tungud sa panabang ni Sta. Rita.

Pangadyeon ang tolo ka Amahan namo, tolo ka Maghimaya ka Maria ug totolo ka Gloria Patri nga ipahinungod sa pagdayeg ug pagsaulog ta sa Santa.

PAG-AMPO

Oh! katingalahan uyamut nga mga “Dominaciones” nga mga matinumanon kaayo sa mga gimbut-an nga diosnon, dawata diha sa inyong koro ang hibulungan nga mananabang sa ngatanang mga kakulian, nga mao si Santa Rita, nga nagapugong sa iyang kaugalingon nga kabubut-on, ug maoy iyang gihuptan ang usa kahingpit nga paghiusa niya sa diosnon nga kabubut-on, busa, ihalad ninyo sa Ginoo ang hataas uyamot nga mga pahanungdan niining pinurongpurongan niya nga Esposa, aron tungud kanila ug sa iyang mahal nga panabang hipalgan namo ang gracia nga ikapugong sa among mga kahilayan nga dautan, ug ikatuman usab namo sa diosnon kabubut-on, ug ingon man ang gipangamuyo namo niining Novena kon uyon sa kabubut-on sa Dios ug sa kapuslanan sa among kalag. Amen.

Dinhi mangamuyo ang tagsatagsa niadtong gracia, o kaayo nga iyang giyinguha pagkakaplag niining Novena tungud sa panabang ni Sta. Rita.

Pangadyeon ang tolo ka Amahan namo, tolo ka Maghimaya ka Maria ug totolo ka Gloria Patri nga ipahinungod sa pagdayeg ug pagsaulog ta sa Santa.

PAG-AMPO

Halangdon uyamut nga mga “Tronos” nga maoy gihimong puluy-anan sa Makagagahum uyamut nga Dios, dawata ninyo diha sa inyong koro ang pinurongpurongan ug pinalangga nga Esposa sa maong Dios, nga si Santa Rita, kay siya maoy usa ka bag-o nga “Trono” nga diha sa putli niyang Kasingkasing mibuot pagpuyo ang usa ka Dios, ug ang maong kasingkasing wala makakita ug pahulayan kon dili kaniya lamang sa usa ka gugmang tiunay, busa ihalad ninyo sa Ginoo kining mainiton niyang kasingkasing aron tungud sa iyang dakung pahamuslan ug mga panabang, itugot unta sa Dios nga kutub karon ang among mga kasingkasing dili na managtinguha ug mahigugma sa mga butang dinhi sa yuta, kon dili sa mga butang na lamang nga langitnon, ug ingon man ang gituyo namo niining Novena, kon uyon ugaling sa Diosnon nga kabubut-on ug sa kaayohan sa among kalag. Amen.

Dinhi mangamuyo ang tagsatagsa niadtong gracia, o kaayo nga iyang giyinguha pagkakaplag niining Novena tungud sa panabang ni Sta. Rita.

Pangadyeon ang tolo ka Amahan namo, tolo ka Maghimaya ka Maria ug totolo ka Gloria Patri nga ipahinungod sa pagdayeg ug pagsaulog ta sa Santa.

PAG-AMPO

Dinhi mangamuyo ang tagsatagsa niadtong gracia, o kaayo nga iyang giyinguha pagkakaplag niining Novena tungud sa panabang ni Sta. Rita.

Pangadyeon ang tolo ka Amahan namo, tolo ka Maghimaya ka Maria ug totolo ka Gloria Patri nga ipahinungod sa pagdayeg ug pagsaulog ta sa Santa.

PAG-AMPO

Dinhi mangamuyo ang tagsatagsa niadtong gracia, o kaayo nga iyang giyinguha pagkakaplag niining Novena tungud sa panabang ni Sta. Rita.

Pangadyeon ang tolo ka Amahan namo, tolo ka Maghimaya ka Maria ug totolo ka Gloria Patri nga ipahinungod sa pagdayeg ug pagsaulog ta sa Santa.